المغرب رخص لشركات ببناء عشرات المزارع ديال تربية الحوت ف خليج الداخلة وصحافة الصبليون ما عجبهاش الحال وكتقول أنها حدا جزر الكناري

albayancom0@gmail.com
"المغرب يتحدى إسبانيا ببناء عشرات المزارع المخصصة لتربية الأسماك قبالة جزر الكناري"، هذا هو العنوان اللي ختارتو جريدة "إل اسبانيول" باش تحاول توهم القراء ديالها ان المشروع المغربي غادي يمس بالمياه الإقليمية ديال اسبانيا واخا ف الجريدة الرسمية للمملكة باين أن هاذ المشاريع غادي تقام ف خليج الداخلة بالاقاليم الجنوبية للمغرب على مساحات كتراوح ما بين 2 إلى 25 هكتارًا وفترة استغلال تمتد ل 10 سنين قابلة للتمديد.
"إل اسبانيول" رجعات وربطات الخبر بالمزارع ديال تربية الاحياء البحرية اللي حدا الجزر الجعفرية وحاولات تربط بين هاذ لخبار بسوء نية من خلال اقحام "المذكرة الشفوية" ديال وزارة الخارجية الاسبانية واخا هاذ المزارع كتقام ضمن المياه الاقليمية المغربية ودارتها باب باش تجبد ملف "استغلال المغرب للموارد الطبيعية ف الصحراء ف ظل صمت الامم المتحدة"، حسب تصريح عضو ف تحالف الكناري القومي..
رابط نشرة الجريدة الرسمية – 4 نونبر 2021
http://www.sgg.gov.ma/BO/AR/3111/2021/BO_7036_Ar.pdf
رابط الخبر
https://www.elespanol.com/espana/20211205/marruecos-espana-construccion-decena-piscifactorias-frente-canarias/631938271_0.html