الكونفدرالية رفضات تشرى الڤاكسان بفلوس الضمان الاجتماعي

albayancom0@gmail.com
ممثلو "كدش" ف المجلس الاداري للصندوق الوطني للضمان الاجتماعي رفضو يشاركو فيه بسباب ما اعتبروه ممارسة الوزير للوصاية وانعدام المقاربة التشاركية. اجتماع المجلس الإداري للصندوق الوطني للضمان الإجتماعي لي تعقد بتاريخ 19غشت برئاسة الوزير محمد أمكراز تجبدات هضرة كثيرة على عقد البرنامج لتمويل حملة التلقيح ضد كوفيد19. هاذ الشي واخا الدولة علنات عن كون عملية التلقيح مجانية وسيستفيد منها جميع المغاربة مجانا..
"كدش" رفضات يتشرا لقاح كورونا ب 1.4 مليار درهم من الميزانية ديالو لي جزء كبير منها هو ودائع ديال الأجراء. وحسب الناشط محمد الغلوسي لي نشر تدوينة على هاذ الشي، فهاذ الموضوع ماكان حتا واحد غادي يرد ليه البال لولا موقف ممثلي هاذ المركزية النقابية.
الغلوسي قال ف التدوينة ديالو أن : "إجتماع تفاجأ فيه الجميع بطرح موضوع عقد البرنامج لتمويل حملة التلقيح ضد كوفيد19 ،وهو العقد الذي يتضمن مساهمة الصندوق المذكور بما مبلغه 1,4مليار درهم يؤديها الصندوق الوطني للضمان الاجتماعي من أموال المنخرطين".