أمانة البي جي دي كتحدا القواعد فسوس.. صحاب بنعرفة فرضو القسطلاني صحا.. ووكيل اللائحة ومصادر ل"كود": كنعاودو أخطاء الاتحاد الاشتراكي

اللي دافعو على بنعرفة كيتخلصو واحد مور، كولهم فلوائح البي جي دي للانتخابات، شفنا امحجوز فالشمال ودبا القسطلاني فسوس، حسب مصادر داخل لامبا هضرات مع "كود".
وضدا فالقواعد وضدا فاختيارات الأعضاء العاملين بسوس، فرضت الأمانة العامة لحزب العدالة والتنمية، عبد الجبار القسطلاني للي عليه شبهات كثيرة خصوصا بعد صدور تقرير التدقيق المالي لمجلس جهة سوس، (فرضاتو) على رأس لائحة البي جي دي لمجالس الجهات.
وحسب مصادر "كود" فإن قواعد الحزب غاديا فاتجاه مقاطعة الحملة الانتخابية. بحيث أن الأمانة العامة حطات غير اللي موالين ليها واللي دافعو على بنعرفة فالمؤتمر السابق.
فتمارة قررو الاعضاء يقاطعو الانتخابات بسبب التزكيات. وفالشمال انقسام كبير وفالمدن الكبرى القادة البارزين مترشحوش، منهم الرميد وافتاتي وعمدة كازا العماري واللائحة طويلة.
مصادر داخل الحزب قالت ل"كود" بلي :"كنعاودو تجربة الاتحاد الاشتراكي، بسبب الصراعات على المناصب والمكاسب اللي واقعا دبا".
إضافة إلى ذلك قرر عدد من أعضاء الأمانة العامة لحزب العدالة والتنمية، عدم الترشح لخوض الانتخابات التشريعية المقبلة، رغم أن الحزب يقود الحكومة.