كارثة ف 14 ولاية من الدزاير.. العافية شعلات ف عدد من الغابات وقتلات 5 ديال الناس – تصاور و فيديوهات

من لبارح الاثنين والعوافي شاعلة فعدد من غابات الجزائر، واللي فاتت الخسائر المادية ووصلات لخسائر فالأرواح.
الإعلام الدزايري قال أن 31 حريق شاعل في 14 ولاية، وبأنه لحدود الساعة تم تسجيل وفاة 5 أشخاص.
ومن هاد الحرائق اللي شاعلة بزاف ف منطقة القبايل، كاين 10 حرائق شاعلة غير ف تيزي وزو، و4 ف جيجل.
ومازال "الحماية المدنية" المحلية ماقدراتش تطفي هاد الحرائق، اللي مرشحة أنها تزيد تنتاشر في حال لم يتم السيطرة عليها، وتقدر تزيد تقتل ناس أكثر وتكون الخسائر المادية كارثية.