وقليلة فحقها.. 3 سنين ديال الحبس لممثلة ميريكانية عضوة ف جماعة ديال الاستعباد الجنسي – فيديو

المحكمة في بروكلين حكمات على الممثلة الميريكانية "أليسون ماك" (Allison Mack)، نجمة المسلسل التليفزيوني الشهير "سمولفيل Smallville"، ب 3 سنين ديال الحبس وغرامة قدرها 20 ألف دولار، بسباب عضويتها في منظمة للاستعباد الجنسي (جماعة نكسيام) المتهمة بعمليات تهريب العيالات لاستعبادهن و استغلالهن جنسيا.
الحكم كايبقى مخفف لأنها عاونات السلطات وعطاتهم بعض المعلومات اللي خاصاهم فيما يتعلق بالمنظمة المذكورة، وكون ماعوناتهمش كان ممن يتحكم عليها بين 14 و17 لعام.
الممثلة عطات للسلطات تفاصيل كثيرة على الأنشطة السرية و الجرائم ديال هاد المجموعة و منها بالخصوص محادثات ديال مؤسس المنظمة "كيث رانيي" اللي كان كايحرق العيالات ويطبع على جسدهم الحروف الأولى من سميتو.
زائد أن الممثلة اعتارفات ف أبريل 2019، بالتآمر والابتزاز خلال محاولتها تجنيد النساء لصالح جماعة تدعى "نكسيام".
وفي العام الماضي، صدر حكم بسجن زعيم الجماعة، كيث رانيير، 120 عاماً لارتكابه جرائم متعددة، من بينها "استعباد" نساء جنسياً.
وطلبت أليسون ماك، العفو و المسامحة من ضحاياها في رسالة وجهتها قبل صدور الحكم.
وكانت أليسون ماك قد هربت مع زعيم المجموعة إلى المكسيك عام 2018، قبل أن تلقي السلطات القبض عليهما.