البوليس بداو اليوم ياخدو الفاكسان ضد "كورونا".. و المعنيين بهاد العملية خاص تكون فعمرهوم 45 عام لفوق

علمت "كَود" أن البوليس حتى هوما بداو عملية التلقيح ضد فيروس "كورونا" المستجد. المديرية العامة للأمن الوطني كانت وجدات ترتبيات هادي أيام باش تنجح هاد العملية الكبيرة.
وحسب مصدر "كَود"، فإن بعض المدن المغربية بداو فيها البوليس يديرو الفاكسان، وغادي تشمل هاد العملية جميع المصالح اللاممركزة والمركزية لموظفي الشرطة بمختلف رتبهم، مبرزا إلى أن الشرطيات و الشرطيون المعنيون بهاد الحملة هوما اللي العمر ديالهم فوق 45 سنة.
هاد العمليات بدات فمقرات الأمن وحتى الثكنات. بحال فمراكش بدات صباح اليوم عملية التلقيح ضد فيروس كورونا المستجد بين صفوف رجال الأمن بالثكنة الجديدة بالحي العسكري.