مكتب الاتصال الإسرائيلي فالرباط غادي يرجع يتفتح بعدما تسد من عام 2000 وبلاصتو بقات هي هي

علمت "كَود" أن التمثيل الدبلوماسي الإسرائيلي فالرباط غادي يرجع كيف كان شحال هادي. و حسب مصدر "كَود"، فإن مكتب الاتصال الإسرائيلي فالرباط اللّي كان تسد هادي 20 عام من الزمن غادي يرجع يفتح فالأيام القليلة المقبلة.
هاد المكتب حسب مصادر "كَود" كان فالعاصمة الرباط بشارع المهدي بن بركة وغادي يبقا هو هو حقاش ديالهوم. هاد المكتب كان المغرب أعلن عن إغلاقه فعام 2000 وتحديدا ف23 أكتوبر احتجاجا على السياسة الإسرائيلية فالتعامل مع الانتفاضة الفلسطينية الثانية وإعلان الحكومة الإسرائيلية وقف عملية السلام.
دبا مع تجديد العلاقات الدبلوماسية بين البلدين هاد المكتب غادي يرجع يتفتح. مكتب الاتصال ديال إسرائيل اللّي كان فشارع المهدي بن بركة حسب مصدر "كَود" بقا فبلاصتو ومعمّر شي مؤسسة أخرى خدمات فيه.