فين عمرها تفكرات الصحرا..سعيدة شرف مشات للكركارات غير باش تركب على الموجة

شي فنانين كيستغلو الفرص، وخاصهم غير يجي شي حدث يركبو عليه باش طلعلهم مع الجمهور، وخاصة في زمان ڤيروس كورونا لي ما طالعة فيه لحتى واحد.
سعيدة شرف لي مستغلة القضية الصحراوية من ديما، ناضت هزات راسها ومشات تصورات في معبر الكركارات زعما شوفوني راني وطنية ومع مغربية الصحرا ومع وحدة تراب البلاد.
سعيدة من غير الملحفة لي كتلبس والحسانية لي كتحاول تهدر، عمرنا شفناها في الصحرا، ولا كتدافع على القضية الوطنية، واليوم جات بغات تطلع على الموجة، ودير البوز على ظهر المغاربة.