أنس الباز دار البوز بعقيقة بنتو.. ووضح: البوليس ماستدعاونيش واحتارمت گاع التدابير الوقائية ضد كورونا- غير هو التصاور والفيديوهات كيبينو العكس

نفى أنس الباز خبر استدعاءه من طرق الشرطة للتحقيق معاه بسباب العقيقة لي دارها لبنتو لينا، ولي قالو انه قلد فيها البروتوكول الملكي في عملية ذبح الأضحية، وهو في الحقيقة هاد القضية كتكلف بيها شركة خاصة بالأفراح، وماشي هو أول واحد يديرها.
أنس الباز شارك ستوريات في حسابو على أنستكَرام وقال أنه دار العقيقة في الرباط بحضور عائلتو وعائلة مراتو فقط احتراما للتدابير الوقائية لي فرضتها السلطات على الجميع لمواجهة كورونا، ولكن التصاور والفيديوهات بينو العكس.
الخبر ديال أنس الباز والعقيقة دار البوز في مواقع التواصل، وهادشي خلاه يعاود يشاركو هو ومراتو تصاور من الحفل، لي دار قبل أيام، على حساباتهم.
أنس ومراتو سارة كلفو على راسهم في هاد العقيقة، واخا المستوى المعيشي ديالهم عادي، ولكن على حسب مقربين منهم اختارو يتسلفو الفيلا باش يتصورو ويحطو الصور في مواقع التواصل.