ها علاش مندوبيات الصحة ما تقدرش دير تيست اكثر. راه فضايح الوزير واللي معاه اللي ما يقدروش يفوتو كوطا يوميا

التدبير الكارثي لوزير الصحة خالد ايت الطالب لقطاع الصحة خلى مندوبي ومندوبات وزارة الصحة فالجهات 12 فالواجهة. دابا كاينة شكاوي كثيرة لمواطنين باغيين يديرو التيست. المشكل فين كاين. هو ان كل مندوبية عندها كوطا ديال التيست. المغرب كيدير يوميا 20 الف الى تقسمات على 12 جهة٬ طبعا مع بعض الاختلاف لان 5 جهات اللي فيها العدد مرتفع٬ نقدرو نديرو 3000 تيست لهاد الجهات الخمس اي 15 الف والباقي على الجهات 7 اللي فيها حالات قليلة.
هاد العدد راه قليل. شوفو كازا كتسجل حتى 600 حالة. بالمخالطين والعائلات راه تحتاج بوحدها 20 الف فالنهار.
اذن الوزارة اللي دارت الصفقة وشرات فاللول مليون و200 الف تيست هي المسؤولة على هاد الشي.
اللي طلع ليه الدم وتقلق يمشي يخرجها فمندوبي ومندوبات الصحة. ها اللي ربحوه من هاد لوزير