القابلات تضرو بالبطالة وكورونا.. وطالبو الوزارة باش تدير مناصب أكثر لتشغيلهم وتسد الخصاص

استنكرات التنسيقية الوطنية للقابلات تخصيص مناصب قليلة لتشغيلهم البطاليات منهم، واللي كتغطي 19 فالمية من مجموع القابلات العاطلات اللي كيفوق 1400 وحدة.
القابلات طالبو، فبلاغ ليهم حصلات عليه "كود"، الوزارة باش ترفع من عدد المناصب باش تنقذهم من البطالة، وكذلك باش تسد الخصاص اللي كاين فالقطاع وتستجب لاحتياجات المواطنين، خصوصا فهذ الفترة ديال الطوارئ الصحية اللي فرضها فيروس كورونا المستجد.
وطالبو القابلات بتوفير المناصب المتبقية من ميزانية 2019 واللجوء للوائح الانتظار، وتسريع تنظيم مباراة التوظيف للقابلات في موعدها وعدم تأجيلها، وتوظيف القابلات في باقي المصالح الأخرى غير مصلحة التوليد، مع الاستمرار فإغلاق تكوين شعبة القابلة حتى تتقاد أوضاع الفئة العاطلة.