بحال العالم كامل، احتفلوا بزاف ديال النجوم المغاربة لبارح بعيد الأم، لي كيتصادف مع الأحد الأخير من كل شهر ماي. وتشاركوا بزاف ديال الفنانين صور ليهم مع أمهاتهم على مواقع التواصل الاجتماعي، وكل واحد عايد الأم ديالو بالطريقة لي عجباتو وعبر فيها على الحب ديالو للمرأة اللولة في حياتو. وشاركت الإعلامية زينب صابر تصاور مع الأم ديالها على حسابها في أنستكَرام وعلقت عليها ب: "كل عام وأنتي بألف خير ماما الزوينة، قلوبنا مه جميع الأمهات لي ما بدات أزمة كورونا ماشافوش وليداتهم". المخرج أمير الرواني حتى هو شارك صورة مع الأم ديالو وعلق عليها ب"أحبك ماما".