بعد القرارات المتخبطة ديال وهبي. المحكمة دخلات قضية وقف قراراتو للمداولة

علمت "كود" من مصادر مطلعة أن ابتدائية الرباط، قررات هاد الصباح ادخال جوج قضايا ضد عبد اللطيف وهبي الأمين العام للبام للمداولة، من أجل النطق بالحكم.
وكان محمد ابو درار، البرلماني ورئيس فريق البام فمجلس النواب اللي حيدو وهبي غير انتقاما منو، قد رفع القضيتين، الاولى لوقف قرارات عبد اللطيف وهبي، والثانية لالغاء قرار رئاسة العبدي للفريق البرلماني.
ورفع أبو درار قضية ثالثة يتهم فيها جهات داخل البام بتزوير توقيعات البرلمانيين اللي طالبات باقالته من منصبه فرئاسة الفريق.
وفي حال فوز ابو درار اللي موقفو قوي فالقضية، فإن جميع قرارات عبد اللطيف وهبي غاترجع لاغية، لأنها كانت قرارات انفرادية هدفها ينتاقم من كاع الناس لي وقفو مع بنشماش داخل الحزب.
ومن المنتظر أن يصدر الحكم في القضيتين بإبتدائية الرباط، يوم الأربعاء القادم.