بقاو فديوركم.. هاد الصباح تزادت 227 إصابة جديدة بفيروس كورونا.. وصنا ل2251 فالطوطال.. 128 ماتو و247 براو

علنات وزارة الصحة، صباح اليوم الخميس فالبوابة الرسمية لفيروس كورونا المستجد فالمغرب، على تسجيل 227 إصابة جديدة بالفيروس، باش يوصل العدد الإجمالي ديال المصابين ل2251 مصاب.
بالنسبة للوفيات، تسجلات هذ الصباح وفاة وحدة جديدة، وولا عندنا فالمجموع 128 وفاة بفيروس كورونا.
وبالنسبة لعدد اللي تشافاو، فاليوم تسجلات 18 حالة شفاء جديدة، وبلغ عدد اللي تشافاو 247 فالمجموع.
وبناء على هذشي، فراه كاينة بالضبط 1876 حالة كتتلقى العلاج فالسبيطارات، إلى استثنينا حالات الشفاء والوفيات.
ولحد الساعة، كاينة 9182 حالة تستبعدات إصابتها بالفيروس، بعد إجراء تحاليل مخبرية خرجات سلبية.