برنماج لالة لعروسة كيفكر فطريقة لتصوير الحلقات المقبلة.. وCCM قال ليهم ممنوع تورناج فيه أكثر من 30 واحد بسباب كورونا

أيام عصيبة كيعيشوها منتجي برنامج لالة لعروسة بسباب تداعيات انتشار فيروس كورونا في المغرب، ولي خلا بزاف ديال المؤسسات تسد وتأجل المشاريع لي فيها التجمعات.
مصادر خاصة قالت ل"كود" أن الشركة المنتجة ما عرفات ما دير من بعد البلاغ لي دار المركز السينيمائي وقال أنه ممنوع أي تورناج فيه أكثر من 30 شخص، والبرنامج بوحدو كيحضر فيه 200 متفرج.
البرنامج كيتصور دابا في استوديوهات في حد سوالم، ودابا واقفين باش يصورو الحلقات المقبلة وكيفكرو يصورو بدون جمهور واخا هاد الأمر استبعداتو الشركة المنتجة.