من بعد الهولدينكَ الملكي والوزارة والبرلمانيين.. رؤساء الجامعات قررو يتبرعو بنص صاليرهم لصندوق تدبير جايحة “كورونا”

حتى رؤساء الجامعات قررو باش يدعمو صندوق تدبير جائحة “كورونا” فالمغرب، ويعطيو النص فالسالير ديالهم الشهري.
وفبلاغ لندوة رؤساء الجامعات المغربية، توصلات “كود” بنسخة منو، علنو رؤساء الجامعات والنواب ديالهم الانخراط ف”مسار التضامن والتآزر التكافل اللي كيتميزو بيه المغاربة، والتبرع بنصف راتب شهر واحد لفائدة الصندوق الخاص بتدبير جائحة فيروس “كورونا” المستجد”.
وعبرو رؤساء الجامعات على انخراطهم التلقائي فكَاع المبادرات الوطنية اللي كيقودها الملك محمد السادس، باش يتم تجاوز تداعيات هذ الجايحة.