باش مايتعاداوش ب”كورونا”… رئيس جماعة لوطى كيوصي صحاب الشقوفة: كلها يكمي فسبسيه – تدوينة

المكي الحنودي، رئيس جماعة لوطى، عزيز عليه يدير البوز ويتساركازما فالستاتيات ف”فيسبوك”، غير اليوم الجمعة فالليل حط تدوينة كيوصي فيها القهاوي باش يديرو إجراءات احترازية كبيرة باش ماينتشرش “كورونا”، ومن ضمنها اللي عندوشي سبسي يكمي فيه بوحدو ومايعطيه لحد.
وقال فالستاتي بالحرف: “في إطار الإجراءات الاحترازية والوقائية ضد فيروس “كورونا” المستجد… ندعو مستهلكي الكيف (القنب الهندي) إلى عدم تشارك الغليون (السبسي) فيما بينهم”.
وطلب الحنودي من صحاب القهاوي ينظفو مزيان المحلات ديالهم وباش كيقادو أتاي والقهوة وكاع داكشي اللي وسط القهوة ب”السوائل المعقمة”، كيف سماها.
وغير هذي شهر، كان الحنودي دار واحد الضجة كبيرة فمواقع التواصل الاجتماعي، والناس سخرو منو بزاف، من بعد ما قال فتدوينة بللي غايرسل فائض ميزانية الجماعة ديالو باش يعاون الشينويين فيوهان، المدينة اللي بان فيها الفيروس اول مرة وقتل فيها المئات.
مواقع شينوية عجبهوم الحال، ووصلاتهم الستاتي ديال الحنودي، وقدرو نيتو فمساعدتهم، وعتابروها “مللي قالها بحالا دارها”.