قضية “حمزة مون بيبي”.. هاوقتاش دنيا باطمة وختها ابتسام غادي يمثلو امام ابتدائية مراكش

دنيا باطمة وختها ابتسام، غادي يمثلو بداية السيمانة المقبلة، ويمكن غدا الاثنين أمام ابتدائية مراكش، باش يكملو معاهم إجراءات البحث في ملف حسابات “حمزة مون بيبي”، العصابة اللي كانت متخصصة في ابتزاز المشاهر والناس العاديين والتشهير بيهم.
وكانت الغرفة الجنحية ررات ترفع الكفالة ديال دنيا ل 50 مليون سنتيم، عوض 30 مليون سنتيم، وختها ابتسام ل 30 مليون سنتيم، عوض 10 مليون سنتيم.
وكانت المحكمة قررات تسد الحدود في وجه دنيا وابتسام، وسحبات ليهم باسبورات.
ووجّه قاضي التحقيق لدنيا وابتسام تهمة المشاركة في الولوج إلى المعالجة الآلية للمعطيات عن طريق الاحتيال، و بث أقوال وصور بدون الترخيص من الغير تمس بسمعته.