تكذيب للاشاعة اللي كانو طلقوها عليها. بنت سفيرة المغرب فمدريد حضرات لهاد النشاط اللي جاتو الملكة ليتيسيا =صورة=

بنت كريمة بنعيش سفيرة المغرب في مدريد نانت فنشاط رسمي بالعاصمة الاسبانية الثلاثاء 21 يناير اللي فات. هاد الشي كان فافتتاح المعرض الدولي للسياحة بمدريد فدورتو 40. بنت السفيرة كانت فالافتتاح شوية راجعة اللاور. تفادات كل ما هو رسمي والتصاور.
بنت السفيرة كانت ضحية اشاعة مقودة ليلة 6 نوبنر من العام اللي فات. الاشاعة قالت انها حيحات فنادي ليلي وان وزارة الداخلية الاسبانية هي اللي دخلات وخرجاتها من الكوميسارية. السيدة اصلا ما كانتش فالصبنيول ديك الفترة كيف اكد مصدر رسمي ل”كود”
البنت باينة فيها ماشي غير ضريفة بل حشومية ومتواضعة.
الضسارة كتبان على بعض اولاد المسؤولين ولكن بنت السفيرة نهار الافتتاح اللي زارت فيه ملكة اسبانيا الرواق المغربي وبقات لفترة مع ماماها السفيرة ومع المدير العام للمكتب الوطني للسياحة عادل بلفقير٬ ما باينش عليها هاد الشي. فديك اللحظة هي كانت بعيدة علي ما هو رسمي
بنيعيش٬ المغرب