هفتي دار العملية لأشرف داري ونجحات

أشرف داري دار عملية جراحية صباح اليوم الثلاثاء بإحدى المصحات في الدار البيضاء على الركبة، لي تعرضات لتمزق فالرباط الصليبي.
الدكتور عبد الرزاق هفتي، طبيب المنتخب الوطني، هو لي دار العملية لاشرف داري وكللت بالنجاح.
أشرف داري غادي يبقى فالمصحة 3 ايام قبل ما يغادرها من أجل الراحة. كما أن مسؤولي الوداد البيضاوي كيفكروا يصيفطوه لفرنسا باش يكمل العلاج ديالو بعد ما يرتاح شوية.
وتعرض أشرف داري لإصابة بليغة فالديربي لي جمع الرجاء البيضاوي بالوداد نهار الأحد لي فات، برسم الدورة 10 من منافسات البطولة الاحترافية.
الوداد بدا كيتحرك باش يتعاقد مع مدافعين جداد، خصوصا بعد إصابة الشيخ كومارا واستمرار معاقبة محمد الناهيري.