اليوتوبوز “أم مهاب” غادي دوز الحبس فعكاشة بعد إهانة وتهديد الجدارمية فلايف

محكمة عين السبع قالت هاد اليوماين كلمتها الأخيرة في قضية اليوتوبوز فاطمة الزهراء المعزي لي مشهورة ب”أم مهاب”، وغادي دوز شهرين ديال الحبس في عكاشة، زائد الغرامة.
ام مهاب تشدات شهر أكتوبر بعدما دارت لايف في انستكَرام هي وختها كيهددو فيه رجال الدرك الملكي، وصوروهم ومنعوهم يديرو خدمتهم وحبسو الطريق ودارو الشوهة، وختها هددات بأنها تنتاحر بزيزوار.
ونشرات أم مهاب، فالستوريز ديال انستگرام، تعريف للإشعاعة وأنواعها، باش تمعني زعما أن كل ما يتم تداوله من أخبار على الحكم عليها غير إشاعة وماعندها أساس من الصحة.
وكانت فاطمة الزهراء لي عندها متابعين بزاف في صفحتها دارت لايف ومخلاتش الدركيين يديرو خدمتهم وكانت قالت “دابا كاين 2000 واحد في اللايف بارطاجيو وحطوه في اليوتوب باش ناخد حقي”.