بوق السيسي المصري محمد رمضان جاي العيون للماتش الاستعراضي…ولمجرد محالش

محمد رمضان المغني والممثل المصري جاي العيون غدا الأربعاء، باش يشارك في المباراة الاستعراضية بملعب الشيخ الأغضف بمناسبة الاحتفالات بعيد المسيرة الخضراء.
مصادر “كود” أكدت بلي صاحب أغنية إنساي في ديوتو مع الفنان المغربي سعد لمجرد، أكد رسميا الحضور ديالو للمشاركة في هاد الماتش الاستعراضي غدا الأربعاء، وغادي يحضروا فنانة مغاربة كذلك.
هاد المصادر ما أكدتش حضور المغني المغربي سعد لمجرد باش يلعب مع صاحبو محمد رمضان ف هاد الماتش، بعدما دارو ديوتو لأغنية إنساي. وحسب نفس المصادر أن حضور لمجرد لم يتأكد بعد، يعني يقدر يجي ويقدر ما يجيش.
بزاف ديال اللعابة غادي يشاركوا في المباراة الاستعراضية، من بينهم أجانب وافارقة ومغاربة.