قودها مهرجان مراكش باش دار علي الصافي فلجنة التحكيم

مهرجان مراكش الدولي للفيلم فدورتو 18 اعلن على باقي اعضاء لجنة التحكيم. الرئيسة كانو قالوها وهي السينمائية الاسكتلندية تيلدا سوينتون والباقي كذبو علينا فواحد البيان قالو عليهم “شخصيات استثنائية وذات صيت عالمي”.
واش علي الصافي شخصية استثنائية ولا عندو صيت عالمي. هادا هو اللي اختاروه يكون فهاد اللجنة من المغرب. دار شي افلام وثائقية على قد الحال ناقصة ابداع ومع العلاقات والتصاحيب رجع راسو كيدير السينما.
هاد اللجنة اللي غادية تشوف 14 فيلم من المسابقة الرسمية من 29 نونبر حتى 7 دجنبر٬ فيها المخرجة الفرنسية ربيكا زلوطوفسكي، والمخرجة البريطانية أندريا أرنولد، والممثلة الفرنسية الايطالية كيارا ماستروياني والمخرج البرازيلي كليبر ميندونسا فيليو، والممثل السويدي مايكل بيرسبراند، والكاتب والمخرج الأفغاني عتيق رحيمي والمخرج الأسترالي ديفيد ميتشود.
تصورو مع هادو دارو علي الصافي. وا شفتو الشخصية الاستثنائية والصيت العالمي ديال هاد علي.