الحب مشتت.. إيلي بنت الستاتي رجعات مع حليوة

إلهام العرباوي، بنت نجم الأغنية الشعبية عبد العزيز الستاتي ولي مشهورة باسم الفني “إيلي” رجعات لحبيبها الرابور أمير، لي مشهور ب”حليوة”.
البارح مولات أغنية “سوبر وومن” حطات سيلفي مع حليوة، معانقين وحطات عليها القلوبة، في إشارة للحب المشتت بيناتهم.
وتشهرات إلهام بعد فيديوهات مع حليوة، وكان البوز إيجابي ليهم بجوج هو تشهر وهي تشهرات، ولكن من ديك الوقت باها عبد العزيز الستاتي نكرها بمرة وفي كل مرة كيرفض يدوي عليها، وهي أكدات أنه باها وحطات تصاور عائلية.
وفي كل مرة إلهام كتحس بالضعف كتدير تدوينات كتعبر فيها على اشتياقها لوالدها، ولكن هو نكرها نكرة وحدة.