خيرنا ميديه غيرنا.. راجل دنيا باطمة قلبها إخراج والأغنية طالعة فابور

البارح المغنية دنيا باطمة خرجات أغنيتها الجديدة ستيل راي بعنوان “ندمانة”.
الكلمات والألحان تعاملات فيهم مع المغني الشاب إيهاب أمير خريج برنامج “ستار أكاديمي”.
الأغنية مسجلة شهور طويلة هادي، واختارت تطلقها على طريقة الفيديو كليب ودار الإخراج راجلها البحريني محمد الترك، لي شاد ليها إدارة الأعمال.
تبركيكة لي جبنها أن الأغنية طالعة فابور، مكين غير الشركاء لي خصصات ليهم وقت طويل البارح خلال تقديم الأغنية بحضور المشاهير والنجوم. وباش متخرجش الفلوس وتجيب مخرج يدير ليها عمل يتوالم مع الأغنية، ولا راجلها هو المخرج ودارو بالمثل المغربي لي كيقول “خيرنا ميديه غيرنا”.
الأغنية تشافت 300 ألف مرة في اليوتوب، وصوت دنيا القوي بان مختلف والاداء كان زوين، وصوتها مكينش بحالو، واخة مبانش كيفما كيبان في الأغاني المغربية الأصيلة.