حجي في بلاصتو وزاكيني هو الطبيب ديال المنتخب

مصطفى حجي، مازال في بلاصتو كمساعد للمنتخب الوطني، بعدما اختاروا وحيد خاليلوزيتش، الناخب الوطني باش يساعدو.
ححي، لي سبق له مساعدة المدربين السابقين بادو الزاكي وهيرفي رونار، بدا الخدمة ديالو اليوم (الأحد)، فاش سبق اللاعبين للمراكش باش يوجدلهوم الظروف.
خاليلوزيتش اختار كذلك المغربي صلاح الدين لحلو معدا بدنيا وجيل موريس مدرب لحراس المرمى، إضافة إلى الفرنسي شوفان، مساعد أول.
اما الطاقم الطبي، فتغير كامل، إذ عينت الجامعة سعيد زاكيني طبيبا للمنتخب الوطني بدل عبد الرزاق هفتي، لي مشا لعند عموتة بالمنتخب المحلي.
خاص دابا غير زاكيني يختار الطاقم الطبي لي غادي يخدم معاه.
هاد الطبيب ما شي جديد على الجامعة حيت سبق لو أن اشتغل مع حسن بنعبيشة وامحمد فاخر وجمال سلامي، وحتى الهولندي مارك ووت، لي كان شاد المنتخب الأولمبي.