أكاديمية فاس مكناس عزلات أستاذة ورجعاتها.. ودابا فتحات تحقيق

omarelmouzaine@gmail.com
فضيحة إدارية خايبة باينة غادي تخرج على مسؤولين فوزارة التربية الوطنية. فقد أقرت الأكاديمية الجهوية للتربية والتكوين لجهة فاس مكناس، في بلاغ لها، أن قرار العزل الذي اتخذته في حق أستاذة تابعة للمديرية الإقليمية بإفران، تبين لها لاحقا وجود “خلل” في تطبيق مسطرة ترك الوظيفية.
وتفيد الأكاديمية ديال فاس مكناس أنها كانت قد اتخذت هاد القرار بناءً على ما توصلت به من وثائق ومعطيات رسمية، قبل أن تتوصل بعد ذلك بتفاصيل جديدة أحيطت بها بخصوص مسألة انقطاع الأستاذة عن عملها.
وتابع البلاغ: “وحفاظا على مصلحة الأستاذة فقد تقرر إلغاء قرار العزل ذالك، وإعادة إدماج الأستاذة في منصبها السابق، وفتح تحقيق في الموضوع لتحديد المسؤوليات وترتيب الجزاءات عملا بمبدأ ربط المسؤولية بالمحاسبة”.
هادي فضيحة خايبة بزاف وباينة غادي تخرج على مسؤولين ف المديرية الإقليمية ديال إفران حقاش هوما لي صيفطو هاد الوثائق الرسمية التي استندت عليها الأكاديمية ديال فاس باش تعزل هاد الأستاذة بداعي أنها تغيبات على خدمتها بدون مبرر حق. دبا نساينو التطورات ديال هاد القضية.