مساكن حنا فهاد البلاد عندنا الابداع فالحضيض لدرجة ان لخماري غيمثل المغرب في “الأوسكار” بفيلم “بورن أوت.. ربحنا بكري

تختار فيلم ” بورن أوت” ديال المخرج المغربي نور الدين لخماري، باش يمثل المغرب في الاقصائيات اللولة لمسابقة الأوسكار في صنف أحسن فيلم أجنبي.
وقال المركز السينمائي المغربي أن هاذ الاختيار دار بعد اجتماع لجنة ترأستها المنتجة سعاد لمريقي.
فيلم فيه اخطاء فادحة فالكاستينگ وفالسيناريو (دري كيشعل شمكار، وطبيبة داخلية خدامة فكلينيك…)، وعامر كليشيهات، وشابع لقطات عاود سخنها المخرج من عند المريكانيين بلا ابداعهم، وعاد باش الفيلم بعيد بعد خيالي على النيفو اللي عودنا عليه لخماري. وهكاك هو اللي ختارو يمثلنا فمسابقة عالمية بحال الاوسكار…
للاشارة، حفل جوائز الاوسكار فدورتو 91، غايدار نهار 24 فبراير 2019.