سكوب. بوطالب سيطايل ضاربو فموسكو. نائبة مديرة “دوزيم” كيخافو منها وحاگرة على وزراء الاحرار

علمت “كود” ان سميرة سيطايل نائبة مدير “دوزيم” وعضوة “لجنة ترشيح المغرب مونديال 2026” دارت نهار 12 يونيو فالصباح اي يوم قبل التصويت اللي عطى لميريكان كند والمكسيك تنظم كأس العالم٬ دارت فالوزيرة لمياء بوطالب المكلفة بالسياحة اللي حتى هي عضوة فنفس اللجنة.
حسب مصدر “كود” فان بوطالب دارت مداخلة ويمكن فاتت عشرة دقايق اللي مخصصة ليها وهي دور فيها سيطايل.
هنا فاللجنة وفق مصدر “كود” كانو كيخافو منها. كيقولو جاية من الفوق واخا كلهم عندهم علاقة بالفوق.
هادي ماشي اول مرة كدور سيطايل فواحد من الاحرار ووزير. سبق ليها دارت فرشيد الطالبي العلمي وزير الرياضة والشبيبة فاجتماع ب”ساهام” فكازا قبل اشهر على شي تصريح كان دارو ففاس على “مونديال 2026
السيدة كتكون فكاع اللجان وديما كتقمع وفينمن؟ فوزرا