مغربية خافت من الفضيحة والعار.. غرقات ولدها مباشرة بعدما ولداتو فالطواليط ودارتو فميكة

قضات هيئة محكمة فمدينة “انتويربن” فبلجيكا، بالحبس ب 6 ديال الأشهر وغرامة 600 أورو على شابة مغربية، بعدما تسببات في وفاة مولودها غرقا وسط مرحاض، مباشرة بعدما ولادتو، بحيث كشفات التحقيقات الي دارتها الشرطة أن المتهمة خلات ولدها تحت مياه المرحاض وفاش مات دارتو فميكة وخباتو فماريو فالدار ديال عائلتها.
وحسب مصادر محلية بلجيكية، فقد تم العثور على جثة الجنين من طرف الشقيق ديال المتهمة بعد يوماين من الواقعة وهو كيقلب على شي اغراض شخصية ديالو، وناض خدا الميكة لي فيها الجثة هو والأب ديالو لمركز الشرطة وفتحات تحقيق فالحادث.
وقالت المتهمة فتصريحاتها أن عائلتها مكانش فراسها حملها نهائيا ومكانتش باغيا هاذ الحمل حيت نتج عن علاقة غير شرعية بدون زواج، و لأنها كانت خايفة من العار قدام المجتمع.