سلطات مراكش دايرة محاكم التفتيش ومنعات مول "صحيح البخاري. نهاية اسطورة" من تسجيل حوار تلفزيوني

قال رشيد ايلال في تدوينة نشرها على صفحته على الفايسبوك ان سلطات مراكش منعته من تسجيل حوار مع قناة "الحرة" حول كتابه "صحيح البخاري. نهاية اسطورة ". هاد السابقة خطيرة. خطيرة على حرية التعبير. خطيرة علي حرية التفكير. مول هاد المنع تحالف مع الفكر الاقصائي وقدم ليه خدمات. هذا كتاب حول صحيح البخاري والجواب خاصو يكون علمي ماشي قمعي. شي متخلفين سلفيين بغاو يحرقو الكتاب كاع. من كلخهم كيعتاقدو ان الحرق حل. فهاد العالم وفين وصلنا مازال كيجاوبو البحث او غير البحث بالقمع.
علاش السلطات تورطات فهاد الشي. اش دخلها علاش تسدي خدمة للفكر الاقصائي بالمغرب. هادا مؤشر مقلق بزاف فبلادنا