جواب ضعيف للقوات المسلحة الملكية: هادوك اللي لابسين كسوة العسكر ما عندهم علاقة بالمؤسسة العسكرية. وهاداك السيد اللي سب لمغاربة البارح ولابس كسوتكم علاش ما جبدتوهش وعلاش ما قررتوش تابعو اللي استعمل شي حاجة ديال الجيش

القوات المسلحة الملكية تعطلات اولا باش ترد على فيديو لشباب صحاب باينين ماشي عسكر لابسين لباس عسكري كيهددو. بعد ساعات عاد خرج مصدر مقرب من الجيش وقال لوكالة الانباء المغربية ان "الرسائل المنسوبة للقوات المسلحة الملكية، المتداولة حاليا على مواقع التواصل الاجتماعي من قبل مجهولين يرتدون زيا عسكريا وينتقدون بحدة أشخاصا أو يعبرون عن مواقف إزاء أحداث ووقائع معينة، لا تمت بصلة للمؤسسة العسكرية".
الجيش اضاف ان " المؤسسة العسكرية لا تتوفر على أي صفحة على موقع الفايسبوك وأن الأشخاص الذين يتواصلون عبر الشبكات الاجتماعية والواتساب باسم القوات المسلحة الملكية يخالفون بذلك القانون". دابا باش ما عندكمش صفحات علاش ما تاصلوش مباشرة بادارة الفايسبوك وغاديين يحيدو الصفحة بسرعة. هاد الشي بلا ما نهدرو على المتابعات لهادو.
علاش ما قررتوش ديرو متابعة حقاش انتاحلو صفة. در الجيش ضعيف ناقصو الحزم اللي معروفة بيه هاد المؤسسة.
فالاخير كاليك باللي "القوات المسلحة الملكية تتواصل من خلال البلاغات التي تنشر عبر القنوات الرسمية، ولا توظف لذلك في أي حال من الأحوال الشبكات الاجتماعية وتطبيقات الرسائل الآنية". هادي على من كضحو فين عمركم تواصلتو. حتى نهار جاب الجيش السلاح وحطو فالعنق وتخلع بنادم ما خرجتوش بلاغ. كاليك القنوات الرسمية. وغير سكتو بعدا