هادا هو القضاء العبثي. اعتقال رجل اعمال معروف على شيك وبعد ما جابو لفلوس قيمة الشيك ورفضها الوكيل وفالصباح لقاو الشيك مخلص

اصلاح منظومة العدالة غير شعار مع هاد الشي اللي وقع لرجل الاعمال المعروف امين بنخويا اللي كان مالك "كيا". هاد السيد اللي دوز 22 شهر فالاعتقال الاحتياطي بعد ما قرر واحد النهاار الامير مولاي اسماعيل مقاضاته قبل ما يتنازل على الدعوة٬ وقع ليه البارح الاربعاء فيلم غريب. وفق مصادر "كود" السيد راجع ما عليه ما بيه للمغرب وفمطار محمد الخامس بكازا كالو ليه كاين واحد الشيك بدون رصيد، جابوه لكازا عرف باللي القيمة ديالو 72 الف درهم جابها فلوس واخا كان عارف تقول مصادر "كود" انو مخلص وما لقاش الوصل.
باش تشاورو مع الوكيل رفض ودوز الليلة فالبيقة وفالصباح اليوم الخميس٬ تقول مصادر "كود"٬ قدموه فعين السبع للمحكمة والصدمة انه تم اكتشاف ان هاد الشيك مخلص غير شي ما عالمش شي ولا شي موظف ما دارش خدمتو وسجلو باش ما يبقاش ممنوع من مغادرة التراب الوطني. دابا شكون غادي يخلص ليلة دوزها رجل اعمال فالحبس ظلما وعدوانا