أسعار الخضر تقفز إلى مستويات قياسية وها شنو قال رئيس الجامعة الوطنية لحقوق المستهلك ل"كود"

عرفت أسعار الخضر ارتفاعا ملحوظا ضمن موجة الغلاء التي إجتاحت الأسواق المغربية مع أمطار الخير التي تهاطلت مؤخرا في عدد من المدن والمناطق لتقفز أسعار اللوبيا والجلبانة إلى 18 درهم للكيلو، فيما وصلت أسعار "مطشيا والبصلا" إلى ما بين 7 و8 دراهم. كما قفز سرع "الكرعة" في عدد من الأسواق المغربية إلى 20 درهم.
من جهته، قال رئيس الجامعة الوطنية لحقوق المستهلك، بوعزة الخراطي، في تصريح ل"كود"، أن هاد الارتفاع كاين كل سنة تقريبا لكن هاد العام جات مرتافعة قبل التشا اللي طاحت، مما يعني أن "هناك خلل ملحوظ في جميع المواد الفلاحية بصفة عامة سواء (الخضر والفواكه) وحتى المراقبة الصحية مكايناش وعندنا سوق حر وأثمنة حرة لكن نجد فلاح مثلا باع ماطيشا بجوج دراهم وفالسوق نجدها ب8 دراهم"، يضيف بوعزة ل"كود".
وأضاف المتحدث، ل"كود" قائلاً: "الخلل كاين فالتسويق وفيه ضبابية كبيرة ومسار المنتوجات الفلاحية غير معروف واكثر من هذا كاين مدينة وحدا هي اللي كتوزع الخضراوات والفواكه وهي كازا وزيد عليها قضية الوسطاء اللي كاينين بين المنتج والمستهلك ومن يراقب السوق؟".
وتابع رئيس الجامعة الوطنية لحقوق المستهلك حديثه: "مراقبة مسار المنتوج مكايناش فمثلا يلا خرجات ماطيشا من أكادير خاصنا نعرفو جميع المراحل باش كتوصل للمستهلك وراه كاين وسطاء اللي عدنهم الملايير ومكيصرحوش للدولة ولو بسنتيم واحد وكولشي خاسر هنا سواء المستهلك أوالمنتج او الدولة وخاص إعادة النظر فتوزيع المنتوج الفلاحي".