اخنوش ما حضرش لاجتماع ليلة امس مع التجمع الوطني للاحرار وها علاش غادي يحضر غدا. تجمعي ل"كود": غادي ياخد موقف بعد الخطاب الملكي فالبرلمان

علمت "كود" ان عزيز اخنوش وزير الفلاحة والصيد البحري اللي غادي يولي رئيس التجمع الوطني للاحرار يوم 29 اكتوبر المقبل ما حضرش لاجتماع اللجنة التنفيذية لليلة امس الاربعاء. السبب وفق مصدر "كود" "ما كانتش عندو الصفة اي ماشي عضو فاللجنة التنفيدية".
مصدر "كود" قال ان الحزب وجه اليه دعوة لحضور اجتماع اللجنة يوم غد الجمعة بعد افتتاح الملك لمجلس النواب وخطابه امام اعضائه. "اتفقنا على توجيه دعوة الى اخنوش ليحضر معنا" يشرح مصدر "كود".
المصدر نفسه قال ل"كود" "واخا هاداك البيان اللي نشرناه راه غدا غادي يبان واش مشاركين ولا اللا. من خطاب الملك غادي نعرفو اش من طريق غاديين نشدو".