محمادي توحتوح لي داروا التجمع الوطني للاحرار رابع فلائحة الشباب، لي هو رئيس جماعة بوعرك فالناظور، تشد قبل أشهر كيغش فالامتحانات، وفي فاتح شتنبر صدرات كلية سلوان بالناظور الوثيقة لي كتبين الغش ديالو وعاقبوه على الغش. وحسب مصدر مطلع ل"كود" فإن رئيس الجماعة صعيب يكون خدا الباك حقاش 3 سنين وهو حاصل فالرابع إعدادي أحرار وشكون فلتو وطلعوا يدوز الباك هو القانون لي دارتو وزارة التربية الوطنية وكيسمح للناس لي قراو الرابع إعدادي وبلا ما ينجحوا فيها أنهم يدوزو الباك أحرار. ذات المصدر يضيف :" يلا كان حصل فالرابع إعدادي 3 سنين وفلتو غير القانون، كيفاش نجح فالباك وخداه؟". وكانت فضيحة غش توحتوح قد أثارت ضجة على مواقع التواصل الاجتماعي وصلت حد مطالبة الفايسبوكيين بعدم تزكيته من طرف التجمع، ولكن يمكن هادشي لي خلا التجمع يرشحو ويعطيه الرتبة الرابعة، باش يكون للغشاشين ممثل لهم فالبرلمان يدافع عليهم ويقنن الغش فالامتحانات.
