واحد اخر قفرها فالبي جي دي. كتب فتدوينة مهددا المخزن العتيق والجديد: ايلى غلقتي قوس الاصلاح فتحتي باب الثورة

اش وقع لبعض اعضاء العدالة والتنمية. مالهم هاد الايام كيعوروها بتدوينات ماشي ذكية وفيها الغباء اكثر منها التحريض. اخر هاد التدوينات لشخص يدعى عبد الاله السريفي٬ النائب الاول لجماعة سيدي رضوان بوزان والمنتمي لحزب العدالة التنمية.
هاد الشخص نشر تدوينة قال فيها "أيها المخزن العتيق والجديد ، لا تظنن أنك بممارساتك وأتباعك ستقضي على العدالة والتنمية ، فهذا الأخير فكرة إصلاحية ممتدة عبر الزمان والمكان ، إنما أنت بسلوكك هذا تغلق قوس الاصلاح وتفتح باب الثورة". طبعا فهاد الوقت القراءة ماشي غادية تكون "اما استمرار الاصلاح بانتخابات نزيهة= واللي مرشح يربح فيها العدالة والتنمية= وبين اغلاق الباب امام الاصلاحيين واللي غادي يفتح الباب لاصحاب الثورة. ولكن هادي قراءة كاينة قراءة اخرى وهو انه يهدد الى ما ربحش حزبو تقوم القيامة.
دابا واش ما كاينش شي حد فالحزب يكول ليهم اش يديرو كيفاش كيكتبو تدوينات بلا عنف بلا ثورة