مندوبية السجون غير كتخربق. كاليك داك الشي ديال عكاشة مخطط له وراه السيبة فلحباسات وهادي مدة

مندوبية السجون من احسن ليها تسكت. في ردة فعلها على ما حدث الليلة في سجن عكاشة بالدار البيضاء قالت ان ما حدث مخطط مدروس تم تنفيذه بعناية. كلتو لينا سكوب صافي. راه كل تمرد فالسجون ديال الدنيا مخطط له مسبقا.
المندوبية نسات حاجة مهمة وعارفاها. السيبة اللي كتكون فالسجون واللي خلات لمحابسية يحيحو. كاين نظام ديال الفساد تبنى هادي سنوات طويلة وخاصو يحيد. خاص كلشي يتبدل فالحبس. اللي دوز عكاشة عارف هاد الشي وباش بغى يفضحو الصحافي رشيد نيني طلقو عليه بزافت الناس باش يدعيوه كلشي خايف على يتفضح. المندوب العام للسجون التامك بدا الخدمة ولكن مسامر الميدا ما خلاوهش. الطريق طويلة بزاف ما يمكنش اللي ترفحو يخليو هاد الشي