ها علاش القطاع الخاص غير معني بالإضراب العام المصحوب باعتصام أمام البرلمان الثلاثاء المقبل

كاين لي سول علاش المركزيات النقابية علنت على إضراب عام يوم الثلاثاء المقبل غير فالوظيفة العمومية والجماعات المحلية وعلاش مدخلتش حتى القطاع الخاص فهاد الإضراب حيت حتى هو معني بمجموعة من المطالب لي جات فالمذكرة المطلبية لي وجهتها النقابات إلى الحكومة يوم التاسع من ماي الجاري ولي مزال الحكومة مجاوبتش عليها.
جوابا على هاد السؤال قال أمين عام نقابة الإتحاد المغربي للشغل الميلودي موخاريق في تصريحات صحفية أن موظفي القطاع الخاص غير معنيين بهاد الإضراب لحقاش النقابات بغات من وراء الإضراب الإحتجاج على محاولة الحكومة تمرير مشاريع قوانين التقاعد فلجنة المالية بمجلس المستشارين خارج إطار الحوار الإجتماعي والقطاع الخاص ماعندو حتى علاقة بخطة إصلاح التقاعد الحكومية لي رفضها النقابات.