ها علاش ما يمكنش نصدقو رواية الابراهيمي مول الباسبور الفرنسي فالصين. كاليك ما عطا الا الباسبور المغربي وها الفيزا ديالو

سعيد الابراهيمي باطرون "كازا فينانس سيتي" اللي سبق الملك محمد السادس رفقة وفد من رجال الاعمال الى الصين كال ليك ما وقعش ليه هاداك الشي اللي تقال. حسب تصريح ل"ميديا 24″ فانه كذب قصة تقديمه لجواز سفره الفرنسي بمطار بيكين. وقال انه قدم جواز سفره المغربي وانه ما كانش عندو الفيزا وان المسؤولين المغاربة حلو المشكل بسرعة.
الابراهيمي نشر الفيزا ديالو وتنشرات ف"ميديا 24″. هاد القصة ما شاداش السي الابراهيمي. اولا يستحيل رجل اعمال او مسؤول وفزيارة رسمية ينسى الفيزا. ثانيا غادي يكون باش وصل جبد الباسبور الفرنسي واكتشف انه خاصو الفيزا وزاد شوه المغرب كيفاش مسؤول عندو جواز سفر فرنسي.
قودها بزاف وما يتستحقش يكون فهاداك المنصب وتبريراتو ما شاداش