فهم تسطا: مزوار باغي ناس نزهاء في الانتخابات وجاب معاه ليوم منصف بلخياط لي داير حملة انتخابية قبل الاوان

——
صلاح الدين مزوار خلى هاد الصباح وزارة الخارجية ولبس الكاسكيطة ديال الحزب ديالو، قدم رفقة عدد من أعضاء المكتب السياسي للتجمع الوطني للأحرار البرنامج الانتخابي للاستحقاقات القادمة ولي قال بلي الحزب غادي ينجح فيها وكيراهن عليها وغادي يقدم النزهاء.
مزوار كان جالس حداه منصف بلخياط وزير الشبيبة والرياضة سابقا ولي داير حملة انتخابية سابقة لأوانها من خلال الفيديو الشهير لي لاح مؤخرا فيوتوب وموراه صورتو هو والملك ولي جبدها فهاد الظرف ديال الانتخابات، الفيديو تيقول فيه "صوتوا عل خوكم منصف واللائحة ديالو.."
حزب الحمامة غادي يدخل الحملة بشعار: جماعتي مسؤوليتي وجهتي مسؤوليتي، وهو الذي سيغطي ما بين 70 و 80 في المائة من المقاعد الانتخابية أي أعلى مما كان سنة 2009.