بدر هاري كيشجع اللبؤات ضد زامبيا لتحقيق تأهل تاريخي لأولمبياد باريس (سطوري)

عبر البطل العالمي فالكيك بوكسينگ، المغربي بدر هاري على الدعم والمساندة للمنتخب الوطني المغربي لكرة القدم النسوي، وغيشجعهم فالماتش ديالهم ضد زامبيا اليوم الجمعة، ضمن ذهاب الدور الرابع والأخير المؤهل إلى أولمبياد باريس 2024.
Loading Ad
00:00
/
00:00
وتفاعل بدر هاري بحالو بحال بزاف د المغاربة مع المنتخب الوطني المغربي النسوي، اللي كيقلب على التأهل لأول مرة إلى الأولمبياد، وحط هاري سطوري على أنستغرام ديالو صباح اليوم الجمعة فيه صورة المنتخب المغربي النسوي ملي وصل لزامبيا، وقال: "حنا ورا اللبؤات اللي باغيين يحققو تأهل تاريخي للألعاب الأولمبية".
وأكد بدر هاري وهو كيهضر على لاعبات المنتخب المغربي للعيالات: "بالموهبة والخدمة والانضباط ديالهم راه كيأكدو روح المغرب الحديث، وهذا الشي مصدر فخر وكيستحقو أننا نشجعوهم ونساندوهم ونتمناو لهم الرباح".