لوبي العسكر محرك فبريطانيا ومغرق الحكومة بالأسئلة على نزاع الصحرا

Elouali.zaz.1987@gmail.com
حط آلان براون، النائب البرلماني عن الحزب الوطني الأسكتلندي سؤال على الحكومة البريطانية بخصوص نزاع الصحراء وطلب جواب ديال وزارة الخارجية والكومنويلث والتنمية عليه.
وبخصوص السؤال قال النائب البرلماني المعروف بأنه واحد من الفاعلين ديال لوبي نظام العسكر، آلان براون، للحكومة البريطانية "واش غادي تتاخذو شي خطوات حول باش يساعدو فتقرير المصير فالصحرا".
وتكلف بجواب الحكومة البريطانية، أندرو ميتشيل وزير الدولة فمكتب الخارجية والكومنولث والتنمية، وزير التنمية وأفريقيا، واللي أكد فجوابو أن بريطانيا كدعم حل سياسي فالصحرا.
وقال: "تواصل المملكة المتحدة دعم الجهود التي تقودها الأمم المتحدة للتوصل إلى حل سياسي عادل ودائم ومقبول للطرفين، على أساس التسوية، والذي سيوفر لشعب الصحراء الغربية تقرير المصير. إننا ندعم بقوة عمل ستافان دي ميستورا كمبعوث شخصي للأمين العام للأمم المتحدة إلى الصحراء الغربية وسنواصل تشجيع المشاركة البناءة في العملية السياسية ومراقبة التقدم".
الملاحظ فهاد الأسابيع الأخيرة وجود حملة كبيرة على مستوى برلمان بريطانيا من كرف اللوبي اللي كيخدم الغسمر، وهادشي بان من خلال سلسلة من الأسئلة اللي كتحط بشكل شبه يومي على الخارجية للبريطانية حول الموقف من نزاع الصحراء وولش غادي تعتارف بمغربية الصحرا او تدعم تقرير المصير، وهاد الحملة سببها الرئيسي هو التوجس اللي كاين عند العسكر بسباب التقارب بين الرباط ولندن.