علمت "كود" من مصدر بالشركة الوطنية للإذاعة والتلفزيون أن الرئيس المدير العام للقطب العمومي فيصل لعرايشي يتجه نحو إحداث تغيير جذري على مستوى عدد من المديريات بالقناة الثانية التي باتت تابعة للشركة التي اشترت اسهمها بالكامل في إطار الشركة القابضة الهولدينغ وهو الأمر الذي يسير بالقناة في الاتجاه الصحيح حسب عدد من المهتمين بالنظر للرهانات الجديدة التي ستناط بدوزيم حسب التصور الجديد الذي وضع لها والذي يتم التكتم بشأن تفاصيله ويجهله حتى العاملون بدوزيم. غير أن أكبر الخاسرين في العملية وهو الذي ظل يمني النفس بالتمديد له على رأس مديرية الأخبار والذي بلغه قرار عدم التمديد وهو الذي سيتقاعد يوليوز المقبل وبعده ستلتحق به نائبته (ف. أ) شهرين بعد ذلك. لنعد إلى صاحبنا ساعدني اللي تبث صاحبو فمكتب "دوزيم" فالرباط. اقتارحو باش يترقى٬ مصدر "كود" قال باللي هاد الخطة فشلات وباللي مدير القناة عاق بيها. المصدر قال ل"كود" باللي مسطرة الترقية واضحة. خاص الصحافي يكون صحافي وولي رئيس قسم ثم رئيس تحرير مساعد عاد يولي رئيس تحرير٬ هاد الشي ما كينطابقش على صاحبنا. كاينة احتجاجات داخل مديرية الاخبار باش تحافظ القناة على هاد المسطرة. احتجاجات خارج المديرية. يعني نايضة وصافي. المصدر اضاف ل"كود" باللي نقطة 3 فشلات هاد المخطط تتعلق بامور غير مهنية. المصدر ما بغاش يكشف عليها. قال ل"كود" "سولو الادارة راها عارفة كلشي كلشي". دابا صحافيون مرشحين لهاد المنصب باغيين تطبيق المسطرة ويكون الكونكور بمقر القناة فكازا وكازا بوحدها. مصادر ل"كود" طلبات من الادارة العامة تبحث فتوظيفات فشي اقسام دالقناة مزيان. شكون خدم. منين جا. شكون دفعو. شكون دعمو. المصدر قال ل"كود" باللي ما كيتاهم حد٬ غير باش تكون الشفافية ونساليو مع القيل والقال٬ مضيفا باللي ممكن اتهامات خاوية. هادي فرصة يمكن باش ما يتظلم حد٬ حيث تقدر تكون اشاعات كاذبة كتمس سمعة شي مسؤولين وصافي.
