حكيمي: دزت من لحظات صعاب وحاربت لتحقيق أحلامي وشكيت واش غنوصل وواجهت التهميش والرفض

كشف الدولي المغربي أشرف حكيمي نجم باريس سان جيرمان الفرنسي وولد أكاديمية ريال مدريد الإسباني، أن هاد الشي اللي وصل له من نجومية ومستوى كبير فالكورة العالمية، ما كانش ساهل وفالطريق ديالو باش يحققو داز من أوقات صعيبة بزاف.
وتحدث أشرف حكيمي فحوار نشراتو "Achraf Hakima foundation" على كيفاش بدا كيبني الكاريير ديالو من الصغر حتى ولا أحسن ظهير أيمن فالعالم، وقال: "فمرحلة الصغر كيكونو شي أوقات كينكامش فيهم الواحد، لحظات صعاب خاصك تسمح فشي حوايج باش تحارب على قبل أحلامك".
وزاد وضح أشرف حكيمي: "كاين أوقات ديال التهميش والرفض وواحد الأوقات برا الماتش كتفكر وتقول واش غنوصل او لا.. والحقيقة أن هذا الشي كيخليك أقوى وهي أوقات كتخليك تكون ناضج كانوا عندي بحال هاد الأوقات وكانو أوقات اخرين زوينين بزاف وكيستحقو يتعاشو".