واش ثقة زايدة هادي؟ مدرب إيران خصم الأشبال فمونديال U17 قال بللي الخصم ما كيهموش وباغيين يربحو كأس العالم

أكد حسين عبدي مدرب المنتخب الإيراني لأقل من 17 عام، أن منتخب بلادو واجد لمواجهة المنتخب المغربي فثمن نهائي مونديالU17، غدا الثلاثاء.
وتحدث مدرب إيران فتصريح له وقال: ما كيهمنيش الخصم.. اللاعبين ديالنا غيكونو واجدين ضد المنتخب المغربي".
وكمل مدرب إيران وبكل ثقة قال: "الهدف ديالنا نربحو كأس العالم، وباغيين نتقاتلو على قبل شعار إيران بكل ما عندنا".
وكان المنتخب الإيراني تأهل إلى ثمن نهائي مونديال أقل من 17 عام، كأحسن ثالث بعدما احتل المركز الثالث فالكروب 3، خلف النكليز والبرازيل حامل اللقب، وتساوى معهم فالنقاط برصيد 6 نقاط.
وكيبقى المنتخب الإيراني قوي بالنظر للكروب اللي تأهل منو، حيث ربح جوج ماتشات وربح اليوم منتخب كاليدونيا الجديدة بنتيجة 5 لزيرو، وخسر مع النكليز بنتيجة 2 لواحد، وربح البرازيل بنتيجة 3 لجوج.