سيفط ليها ميساجات وأوديوات كيطلب السماحة.. بيكي نادم على خيانتو لشاكيرا والمغنية حلفات ما ترجع ليه

مزال الموضوع ديال الصداع بين جيرار بيكي، اللاعب السابق ديال البارصا، والمغنية الكولمبية الشهيرة شاكيرا، حاضر بقوة فالجورنالات ديال الصبليون والعالم، واخا عام هادي باش فات.
على حساب ما قال "إنفوباي" الإخباري، فشاكيرا كتحاول فكل أغنية تعبر على الوضعية النفسية ديالها الصعيبة بعد الفراق ديالها مع بيكي، والخيانة ديالو.
كيقول نفس المصدر، أنه على الرغم من داكشي لي دارو بيكي، راه كان غير مؤقت، وبغا يرجع ليها بالصح ودار بزاف ديال المحاولات ولكن كلها فشلات ليه.
وزاد أن بيكي عيا مايسيفط فالرسائل لشاكيرا كيقول فيها أنه مافرحانش براسو بداكشي لي دار وبغا يرجع لأم ولادو وبغا فرصة أخرى منها، ولكن شاكيرا قالت ليه: والو وتقول.
دابا شاكيرا بغات تدي ولادها يعيشو فبلاد خرا، وبغات تجرو للمحكمة باش تتفك منو نهائيا وقانونيا.