خبار زينة للناس الغلاض لي ماقدرينش على ريجيم.. ميريكان رخصات لواحد الدوا جديد كيضعف

علنات السلطات الصحية في ميريكان أنها رخصات لواحد الدوا خاص بالسمنة، اختارعاتو مجموعة إيلي ليلي الميريكانية.
هاد الدوا، لي الاسم التجاري ديالو في ميريكان هو زيباوند (Zepbound) غادي يكون على شكل بيكورا غادي تخاد مرة وحدة في السيمانة، والاسم العلمي ديالو هو تيرزيباتيد Tirzepatide..
كان هاد تيرزيباتيد خدا الموافقة باش يتعطا للناس للي عندهم السكار، وبان التأثير ديالو في نقصان الوزن، ولكن السلطات مصرحاتش بهادشي رسميا.
فواحد البياتن ديالها، قالت إدارة الأغذية والعقاقير الميريكانية، إن التجارب لي دارت على هاد دوا بينات أنه كيعاون بزاف في نقصان الوزن.