رمزي: الخدمة اللي كتربح ماشي كواليس الترجي وحنا الوداد ملي كنخدمو راه أي فرقة نضربوها وحقنا غنردوه بالكورة

أكد عادل رمزي مدرب الوداد الرياضي أن المهم بالنسبة للفريق الأحمر هو يركز على راسو وماشي الكواليس اللي معروف بها الخصم ديالو فدومي السوبر ليك الأفريقي الترجي التونسي، وان الفريق الأحمر واجد.
وتحدث عادل رمزي خلال الندوة الصحافية اللي كتسبق ماتش الوداد والترجي وقال: "أنا مركز على الفريق ديالي وحنا نديرو الخدمة اللي علينا شيما تاكتيك وتيكنيك ومونطال وإذا كنا مزيانين غنضروب اي فريق وخلينا من الكواليس اللي واخا يكون راه هادشي اللي قلت هو الأساس
حنا مغاربة نفسنا حارة حقنا ما غنساوهش (على فضيحة رادس) ولكن حنا كبار كوداد وكبلادنا المغرب وبالمسائل اللي وصلنا لها فكورة راه حنا كبار على هذا الشي وغنخدو حقنا بالكورة.