بايدن تبنى الرواية الاسرائيلية فمجزرة صبيطار غزة: الجانب الاخر مول الفعلة ماشي انتوما وجيت ندعمكم باش دافعو على ريوسكم

الرئيس الامريكي جو بايدن وصل لاسرائيل قبل قليل واول حاجة قالها هو دعمو لاسرائيل فحربها ضد حماس. لكن المثير هو انو تبنى الرواية ديال نتنياهو بخصوص مجزرة مستشفى المعمداني فغزة البارح واللي مات فيها 500 شخص.
الرئيس الاميركي قال "حزنت وغضبت بشأن الانفجار في مستشفى المعمداني أمس ويبدو أن الجانب الآخر وراء ذلك وليس أنتم". اي انو كيقول للعالم راه اللي قالتو اسرائيل هو الصحيح راه اللي ضرب المستشفى ماشي اسرائيل ولكن "الجانب الاخر" فاشارة للجهاد الاسلامي اللي تاهماتو تل ابيب.
بايدن جا لاسرائيل لدعمها وقال اثناء استقبالو من من الرئيس هرتسوغ ورئيس الحكومة بنيامين نتنياهو "جيت لهنا باش نتأكد الى محتاجين لشي حاجة باش دافعو على ريوسكم. جيت باش العالم كولو يعرف باللي حنا وافقين معاكم. بغيت نذكر باللي حماس ما كتمثلش الشعب الفلسطيني. راهم رتاكبو جرائم وفضائع حتى داعش ما رتاكبوهاش".